Les mots surlignés font l'objet d'une note
1Monseigneur, ce matin j’ay receup ung pacquet de maître Deluzy
2du Montellimar, qui s’adresse à vous avec une lettre qu’il m’escript
3pour la vous faire tenir, laquelle avec ledit pacquet je
4vous envoye. Tout incontinant après, j’ey receup celle qu’il
5vous a pleu m’escripre du jour d’hier, suyvant laquelle,
6après avoir veu toutes les pièces que vous a mandé le sieur
7de Chastellard, vifseneschal de robbe courte, et après avoir
8le tout communiqué à monsieur le president de Portes,
9ous avons treuvé qu’on l’a très mal faict exploicter
10de luy avoir faict donner adjournement personnel contre
11la teneur des lettres de relief d’appel, lesquelles ne portent
12de l’adjourner à comparoir en personne ; et à ceste cause,
13nous a semblé qu’il doibt mander à Loriol homme fondé de
14procuration pour interjecter son appel ; et neanmoings les sommer
15et requerir à la forme et manière d’une minutte d’acte d’appel
16que je vous mande ; et si par fortune il ne se treuvoit
17chastellain ny lieutenant pardevant qui il peult interjecter
18ledit appel et faire les sommations y contenues, suffira qu’il
19le face pardevant notaire et tesmoings et que du tout
20il s’en fasse expedier actes affin que iceulx veus, il
21sache s’il se debvra presenter en personne ou non, dequoy
22luy donnerons advis s’il nous en faict communiquation. Mondit sieur le
23president m’a montré la lettre que luy escriptes hier
24touchant les affères noveaux survenus en France. Dieu
25veulle le tout guider. Je n’ay encores veu vous responces
26faictes sur les articles presentés contre vous à sadite magesté, mays
27tout maintenant je m’en irey treuver monsieur d’Asnières pour les
28veoir. Et après vous avoir presenté mes très humbles
29[v°] recommandations à votre bonne grace,
30Monseigneur, je prie Dieu qui vous doint en parfaicte sancté
31longue et eureuse. De Grenoble, ce XXIXe d’aoust
321572.
33Votre très humble et très affectionné
34serviteur.
35Sev odoard
36Je vous renvoie les pièces que vous a mandé ledit sieur du
37Chastelar.
38